Футболдан Қазақстан ұлттық құрамасы бүгін түнде Еуро-2024 іріктеу турнирі аясында Словения футболшыларына қарсы шешуші матч өткізеді.
Н тобының соңғы тур алдындағы турнир кестесінде жерлестеріміз 18 ұпаймен үшінші орынға жайғасса, Словения құрамасы 19 ұпаймен екінші орында тұр. Еуропа чемпионатының финалдық кезеңіне шығу үшін Қазақстан құрамасына тек жеңіс қажет, ал словениялықтарды тең ойын да қанағаттандырады.
Ұлттық құраманың маңызды матчы алдында Туризм және спорт министрі футболшыларға қолдау білдіріп, үндеу жасады.
«Біздің жігіттерді сырт алаңдағы шешуші матч күтіп тұр. Ұлттық құраманың кейінгі жылдардағы ойыны жанкүйерлердің отандық футболға деген сенімін қайтарды. Ел тұрғындары аяқдоп шеберлерінің ойынын тамашалау үшін стадиондарға ағыла бастады. Бұл – спортты насихаттау жолындағы тамаша жетістік. Миллиондаған қазақстандықтың арманы орындалуына бір ғана қадам қалды.
Жігіттер, сендер үлкен тарих жасап жатсыңдар! Бүгінгі кездесу нәтижесі қандай болса да, сіздер ел намысы үшін бар күш-жігеріңізді жұмсап, алаңның әр бұрышындағы доп үшін таласта аянып қалмайтындарыңызға сенімдіміз. Матч Словенияда өтсе де, бүгін бүкіл қазақ елі бір жұдырықтай жұмылып, теледидар арқылы сіздерге жанкүйер болып, қолдау білдіреді. Сәттілік, жігіттер! Сіздердің қолыңыздан бәрі келеді!», — деді Ермек Маржықпаев.
Словения – Қазақстан матчы 20 қарашадан 21 қарашаға қараған түні Любляна қаласында өтеді. Кездесу Астана уақытымен сағат 01:45-те басталады.
Бәсекені Qazsport және Qazaqstan телеарналарынан тікелей эфирде тамашалауға болады.
14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей…
Орталық коммуникациялар қызметінде өткен брифингте әділет вице-министрі Ботагөз Жақселекова "Ынтымақ" саяси партиясы қашан мемлекеттік тіркеуден…
Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік қарастырылған.…
ҚР Еңбек және халықты әлеуметтік қорғау министрі Светлана Жақыпованың атынан әлеуметтік желілер мен мессенджерлердегі ашылған…
Осыдан 2 жыл бұрын әлеуметтік алауыздыққа бағытталған әрекет жасағаны үшін сотталған блогер Мұрат Әбділда сотқа…
Шымкентте әскерилер жас жігітті комиссариатқа күштеп апарып, пара беруге бопсалаған. Мерзімді әскерге шақырылушы ақша таппай,…