WhatsApp жақында тағы да жаңарады. Одан кейін мессенджер бірқатар Android және iOS смартфонында жұмысын тоқтатады.
Бұл туралы Zakon.kz хабарлады.
Мессенджер қолдау көрсетілетін операциялық жүйелердің тізімін жаңартады.
iOS 10 және 11 операциялық жүйелері бар iPhone иелері 24 қазаннан бастап қолданбаны пайдалана алмайды. Қолданушылар құрылғыларын iOS 12 және одан жоғары нұсқаға жаңартуды ұсынатын хабарламалар ала бастады.
Бұл ретте әлі де танымал iPhone 5 және iPhone 5C смартфондарын iOS 12 нұсқасына жаңарту мүмкін емес. Осылайша, қазан айының соңына қарай бұл смартфондар иесі WhatsApp қолданбасын пайдалана алмайды.
iPhone 5 және 5C 2012 және 2013 жылдары таныстырылды. Осы смартфондар үшін Apple шығарған операциялық жүйлердің соңғы нұсқасы iOS 10.3 болды.
