«Қазатомөнеркәсіп» ұлттық атом компаниясы» басшысы болып Ержан Мұқанов тағайындалды. Бұл туралы компанияның баспасөз қызметі хабарлады.
Компания басшысын директорлар кеңесі тағайындады.
«Қазатомөнеркәсіп» директорлар кеңесі шешімімен Мұқанов Ержан Жанәбілұлы компания басқарма төрағасы болып тағайындалғаны туралы хабарлайды. Мұқанов мырзаның 2022 жылғы шілде айынан бастап басқарма төрағасы міндетін атқаруы және наурыздан бастап компанияның Өндіріс жөніндегі бас директоры қызметіндегі ролін қоса алғанда атом өнеркәсібіндегі мол тәжірибесі, жаңа лауазымда айтарлықтай үлесін қосады,
делінген хабарламада.
Ержан Мұқанов қызмет жолын ҚР Ғылым академиясының Металлургия және байыту институтында арнайы байыту әдістері және гидрометаллургия зертханасының инженері қызметінен бастаған. 23 жылдан бері атом өнеркәсібінде түрлі лауазымды атқарып келеді.
«Қазатомөнеркәсі»п жүйесінде 2006 жылдан бері істейді.
