Алаяқтық жасағаны үшін іздеуде жүрген «Азия Авто» АҚ мен «БИПЭК Авто» АҚ басшысының бірі Чехияда ұсталды. Бұл туралы ішкі істер минитстрлігінің ресми өкілі Шұғыл Тұрлыбек айтты.
Чехия астанасы – Прагада Қазақстан ішкі істер министрлігі «Интерпол» ұлттық орталық бюросының сұрауы бойынша Шығыс Қазақстан облысы экономикалық қылмыстар департаментімен аса ірі мөлшерде алаяқтық жасағаны үшін іздеуде жүрген «Азия Авто» АҚ мен «БИПЭК Авто» АҚ компаниялар тобы басшыларының бірі ұсталды,
деді Тұрлыбек бүгінгі онлайн брифиңгіде.
Қазіргі уақытта ол қамауда, Қазақстанға жеткізу мәселесі шешіліп жатыр.
Еске салайық, 2021 жылғы тамызда «БИПЭК Авто Қазақстан» АҚ мен «Азия Авто» АҚ акцияларының бақылау пакетінің иесі Анатолий Балушкинге іздеу жарияланған болатын. Сот «Алаяқтық» бабы бойынша оны қамауға алу туралы сырттай шешім шығарды.
