Бірнеше күннен бері интернетте қазақстандық сегментке шетелден кибершабуылдар жасалып келеді.
Соның салдарынан интернетке қосылуда кідірістер орын алды. Әсіресе Beelinе және Tele2 байланысының қолданушылары осындай мәселеге тап болды.
Мақсатты кибершабуылдар елдің мемлекеттік органдарына да, Қазнет инфрақұрылымына да бағытталған. Кибершабуылдар салдарынан интернетке қосылуда кідіріс орын алуда,
делінген хабарламада.
Ұзақ мерзімді кибершабуылдар елде және әлемде болып жатқан әлеуметтік оқиғалармен байланысты деген болжам бар.
Техникалық қызмет қазақстандықтарға ақпараттық қауіпсіздікке қауіп төнген жағдайда бұл туралы 1400 тегін телефон нөміріне хабарласуды немесе Telegram чатына сұрау жіберуді ұсынады.
Айта кетейік, 28 қыркүйек күні таңертең интернет жұмысында ақаулар орын алды. Ал әуежайда рейстер кешіктірілген болатын.
