2016 жылдың 10 маусымында Баян Алагөзова да сол кездегі заңды күйеуі Бақытбек Есентаевтан таяқ жеп, пышақ жарақатын алған еді. Бақытбек Есентаев тоғыз жылға бас бостандығынан айырылғанымен, 6 жыл 1 айдан кейін бостандыққа шықты.

Экс-министр Қуандық Бишімбаевтың әйелі Салтанат Нүкенованың өлімінен кейін қоғамда тұрмыстық зорлық-зомбылықты айыптайтын жазбалар көбейді. Бұл жолы танымал продюсер Баян Алагөзова да үнсіз қалмады, деп хабарлайды Qaz365.kz.

Елімізде отбасының екеуінде әйелдер зорлық-зомбылыққа ұшырап жатады. Мұны қалыпты жағдай деп санайды, өйткені өздері сондай отбасыда тәрбиеленген. Бұл – модель. Бізде бәрі «ойбай, ұят болады, бұл отбасылық мәселе, араласпаңдар» деп жатады.

Бұл жеке мәселе емес, бұл – ұлттық трагедия. Сондықтан мұндай жағдайларды айтуымыз керек,

дейді Баян Алагөзова.

Еркектікі әрқашан дұрыс деген оқырмандардың пікіріне жауабы:

90 пайыз еркектерден тұратын Парламентте әйел тарапына ешқандай әділдік болмайды. Біз патриархалдық қоғамда өмір сүріп жатырмыз, онда ер адамның айтқаны әрқашан дұрыс, ал әйелдікі қате,

деді продюсер.