Жыл басынан бері «Яндекс.Такси» қызметінің бағасы қымбаттағанына байланысты 6 рет шағым түскен.
Ақпан айында ақпарат беруден бас тартқаны үшін компанияға айыппұл салынды.
2022 жылдың 18 қаңтарында аталмыш компанияға қатысты бұзушылықтар анықталған. Экономикалық қызметті үйлестіру белгілері бойынша.
Бұл қызметке Қазақстан Республикасы Кәсіпкерлік кодексінің 169-бабының 5-тармағында тыйым салынған. Нарық субъектілерінің бағаларды (тарифтерді), жеңілдіктерді, үстеме ақыларды (қосымша ақыларды) және (немесе) үстеме бағаларды белгілеуге немесе ұстап тұруға әкеп соғатын экономикалық қызметін үйлестіруге тыйым салынады.
Тергеу қорытындысы кейінірек белгілі болады.
