Бангладештің солтүстігіндегі Панчагарх округінде кеме батып кетіп, 69 адам көз жұмды. Бұл туралы United News of Bangladesh агенттігі хабарлады.
Кеме батқан орыннан 69 адамның денесі судан шығарылды, ал тағы 3 адам із-түзсіз жоғалғандар ретінде тіркелді.
Панчагарх округі полициясының бастығы Сираджул Худа Каратоя өзенінде бортында 100 жолаушы болған кеме жексенбі күні күндіз батып кеткенін мәлімдеді. Оның айтуынша, су көлігінің апатқа ұшырауына артық салмақ себеп болған.
Құтқарушылардың мәліметінше, қайғылы оқиғадан 30 әйел, 21 бала және 18 ер адам қаза тапқан.
Панчагарх округі полициясының бастығы Сираджул Худа Каратоя өзенінде бортында 80-ге жуық жолаушы болған кеме жексенбі күні күндіз батып кеткенін мәлімдеді. Оның айтуынша, су көлігінің апатқа ұшырауына артық салмақ себеп болған.
Мұндай жазатайым оқиғалар Бангладеште жиі орын алады. Оның аумағын 230-дан астам өзен кесіп өтеді. Алайда бұл оқиға осы жылдың ең үлкен апатына айналды.
