Бас прокуратура іздеудегі адамдар бойынша статистика мәліметтерін келтірді, деп хабарлайды Zakon.kz.

Бас прокуратураның Құқықтық статистика және арнайы есепке алу комитетінің мәліметінше, қазір 10 748 адам іздеуде болса, оның 2 176-сы із-түзсіз жоғалған.

Хабар-ошарсыз кеткендердің көбі мына өңірлерде тіркелген:

• Алматы – 287;
• Қарағанды ​​облысы – 221;
• Павлодар облысы – 170;
• Алматы облысы – 167.

Сонымен қатар көбіне 30 бен 49 жас аралығындағы ерлердің (77%) түрлі жағдайда жоғалып кететіні айтылды.

• Үйінен кетіп, оралмағандар – 1634 адам.
• Көлікпен жоғалғандар – 74.
• Жұмыстан кетіп, оралмағандар – 36.

Сонымен бірге елде тергеу мен соттан қашып кеткен 2372 адам іздестіріліп жатыр.

Айта кетейік, іздеуде жүргендер негізінен 31-40 жас аралығындағы ер адамдар (89%),

дейді ҚР Бас прокуратурасының баспасөз қызметі

Олардың ең көп саны алаяқтық (510), ұрлық (318) және кісі өлтіру (146) бойынша іздеуде:

• Алматы (514).
• Астана (185).
• Шымкент (155).
• Алматы (143) және Қарағанды ​​(140) облыстары.

10 тамыз күні Бас прокуратураның Ресейде жасырынған қазақстандық сепаратисті экстрадициялауды талап еткені белгілі болды. Өтініш әлеуметтік желіде Орал мен Қазақстанның басқа да бірнеше қаласын Ресейге беруді талап еткен Максим Яковченконы экстрадициялауға қатысты.