Оқыс оқиға Сарыағаш ауданының тұсында болған.
“Келінжан” сериалындағы Айсара рөлімен танымал актриса Дариға Бадықова мен оның жолдасы жол апатына ұшырады. Бұл туралы өнер иесінің өзі айтты.
Ол жолдасымен бірге Сарыағашқа іс-шараға барған. Көліктерін қонақүйдің алдына тастап, басқа көлікке отырыпты. Той керемет өткен соң, Шымкентке жолға шыққан. Сарыағашқа жеткен кезде жүргізуші қарсы бағытқа шығып кеткен. Ұйқтамай келе жатқан актриса «өлдім, болды» деген жан айқайы шыққаннын жасырмады. Тіпті көліктің дөңгелегі ұшып кеткенін өз көзімен көрген. Терезесінің әйнектері бетіне, шашының арасына кіріп кетіпті.
Біраз адамдар айтып жатады, иә? «Отбасың, бала-шағаң, ол сенің жеке өмірің, көрсетпе, көз өтеді, сөз өтеді». Ол сөз бекер емес қой, иә? Отбасымды көрсетпеуші едім. «Әлде ойнаған рөлі өмірде қайталанды ма? Мүшел жас па?» деген ой мазалады. Әрине, бәрі — жаратушының ісі. Десе де, көп жерде өзімізді сақтандыра алмай жатамыз ба?
деді ол.
Актриса бірден ауруханаға жеткізілгендерін атап өтті. Жол апатынан ең қатты зардап шеккен актрисаның жолдасы болып шықты. Оның бір қолы морт сынған, шекесін тігуге тура келген.
Жедел жәрдем тез келді, ауруханаға апарды. Дарханды бірінші жібердік, бізге қарағанда жағдайы ауыр болды. Әйнек кірген шекесін шыңғыртып тұрып тікті. Қолын рентгенге түсірді, қолының жағдайы өте ауыр морт кеткен операция деді. «Гипс салып береміз, Алматыдан жасаңыздар» деді. Түнде қалаға келдік, жол бойы қолы шыдатпады. Бірден ауруханаға келдік, травматологтар шошып «операцияға дайындаймыз» деп жатқызып тастады. Менің бетім сырылды, шынтағыма зақым келді,
деді Дариға Бадықова.
