Үлкен айналма жол ақысы Қапшағай тас жолынан қымбат, дейді kolesa.kz.
ҚР ИИДМ Автожол комитеті Алматыдағы үлкен айналма жолмен жүргендер қанша төлейтіні жазылған прайс әзірледі. Құжат бойынша 66 шақырымдық айналма жолмен жүріп өткен жүргізушілерден сапарының ұзақтығына қарамастан мынадай мөлшерде ақша сұралады:
- жеңіл автомобиль — 0.07 АЕК* немесе 2023 жылы 241.5 теңге;
- жолаушы отыратын орын саны 16-дан аспайтын автобустар мен 2.5 тоннаға дейін жүк көтеретін жүк көліктері — 0.12 АЕК, 414 теңге;
- жолаушы отыратын орын саны 32-ден аспайтын автобустар мен 5.5 тоннаға дейін жүк көтеретін жүк көліктері — 0.22 АЕК, 759 теңге;
- жолаушы отыратын орын саны 32-ден көп автобустар мен 10 тоннаға дейін жүк көтеретін жүк көліктері — 0.36 АЕК, 1242 теңге;
- 10 тоннадан 15 тоннаға дейін жүк көтеретін жүк көліктері — 0.43 АЕК, 1483.5 теңге;
- тіркемесі бар машиналарды қоса алғанда, 15 тоннадан көп жүк көтеретін жүк көліктері, ершікті тартқыштар — 0.72 АЕК, 2484 теңге.
Айлық абонемент бағасы:
- жеңіл автомобиль — 0.5 АЕК, 1725 теңге;
- жолаушы отыратын орын саны 16-дан аспайтын автобустар мен 2.5 тоннаға дейін жүк көтеретін жүк көліктері — 2.5 АЕК, 8625 теңге;
- жолаушы отыратын орын саны 32-ден аспайтын автобустар мен 5.5 тоннаға дейін жүк көтеретін жүк көліктері — 4 АЕК, 13 800 теңге;
- жолаушы отыратын орын саны 32-ден көп автобустар мен 10 тоннаға дейін жүк көтеретін жүк көліктері — 5 АЕК, 17 250 теңге;
- 10 тоннадан 15 тоннаға дейін жүк көтеретін жүк көліктері — 6.5 АЕК, 22 425 теңге;
- тіркемесі бар машиналарды қоса алғанда, 15 тоннадан көп жүк көтеретін жүк көліктері, ершікті тартқыштар — 8.5 АЕК, 29 325 теңге.
Жылдық абонемент:
- жеңіл автомобиль — 10 АЕК, 34 500 теңге;
- жолаушы отыратын орын саны 16-дан аспайтын автобустар мен 2.5 тоннаға дейін жүк көтеретін жүк көліктері — 30 АЕК, 103 500 теңге;
- жолаушы отыратын орын саны 32-ден аспайтын автобустар мен 5.5 тоннаға дейін жүк көтеретін жүк көліктері — 50 АЕК, 172 500 теңге;
- жолаушы отыратын орын саны 32-ден көп автобустар мен 10 тоннаға дейін жүк көтеретін жүк көліктері — 60 АЕК, 207 000 теңге;
- 10 тоннадан 15 тоннаға дейін жүк көтеретін жүк көліктері — 80 АЕК, 276 000 теңге;
- тіркемесі бар машиналарды қоса алғанда, 15 тоннадан көп жүк көтеретін жүк көліктері, ершікті тартқыштар — 100 АЕК, 345 000 теңге.
*2023 жылы АЕК көлемі 3450 теңгеге тең.
Демек километрге шаққанда жеңіл көлік иесі 3.67 теңге төлейді, бұл Қапшағай тас жолынан қымбат. Жол салған компания 16 жыл ақша жинайды, кейін ол мемлекет балансына өтеді.
Алдын ала мәлімет бойынша жол ақысы банк қосымшалары көмегімен емес, арнайы төлем шлюзі арқылы қабылданады. Жол салушылар жүргізушілерге жолдан өткенге дейін де, кейін де төлем жасауға мүмкіндік береді.
