Конституциядан тұңғыш президент пен Елбасы туралы тармақтар алынып тасталғаннан кейін конституциялық заңның күші автоматты түрде жойылмайды. Парламент тиісті шешімін шығаруға тиіс. Бұл туралы Әділет министрі Қанат Мусин айтты.
Заңның күшін жою үшін заңнамаға талдау жүргізіледі. Сосын заң жобасы әзірленеді. Ондай құжат дайын емес, парламентке әлі жіберілген жоқ,
деді министр.
Министрдің айтуынша, Елбасы туралы заңның күшін жою үшін «біршама уақыт» қажет. Бірақ нақты қанша уақыт кететіні белгісіз. Қазіргі кезде басқа заңдарда тұңғыш президент туралы сөздер бар.
Бізде он шақты заң бар. Бәрін жинақтап, зерделеп, тиісті шешім шығарылады. Оған біршама уақыт қажет. Жұмыс жүргізіліп жатыр. Соның нәтижесінде арнайы заң парламенттің қарауына енгізіледі,
деп атап көрсетті Мусин.
