Өкінішке қарай, орыс пропогандасы бізде емін-еркін насихат жүргізіп жатыр, дейді журналист Нұргелді Әбдіғани.
Ол кеше кешкісін күн ұзақ кездесулерден соң шаршап келіп, жатып алып Соловьевті тыңдапты. «Осы неме не дейді екен» деп.
Сондағы қысқаша мазмұны:
- Біз кереметпіз, қару-жарағымыз әлемде ең үздік;
- АҚШ, Германия, Франция, Батыс т.б. оңбағандар;
- Украина билігін жауыздар жаулап алған;
- Киев түгілі Берлинді аламыз;
- Балтық елдерін жаулап алуымыз керек;
- Байден оңбаған, Зеленский оңбаған, Щолц оңбаған, Макрон оңбаған, Науседе оңбаған, Путин мен орыс саяси элитасынан басқаның бәрі оңбаған.
- Қазақстан мен ОА екіжақты ойын ойнап отыр. Оларға сенім жоқ;
- Жалғыз Лукашенко Ресей деп шыр-пыр боп жүр;
- Болашақ Африкада;
- Ресей тарихтан жеңімпаз. Бұл соғыста да жеңілуі мүмкін емес;
- Ядролық қаруымыз бар. Оның да қолданылатын күні туады;
- Батыс ақпараты кілең пропогандистер, сауатсыздар т.б.
Құдды ертегі тыңдап жатқандай болдым. Көзім ілініп кетіпті. Бір уақта Соловьев пен Кедми деген жебірей айқайласып жатыр екен. Содан оянып кеттім. Сөйтсем, әлгі екеуі:
- Ресей ұлы держава!
- Жоқ, Ресей ұлы империя! – деп айтысып жатыр екен.
Осындай насихат күн сайын экранда жүріп жатыр. Содан кеп біз Әбілдаевтарға өкпелейміз. Мынадай пропогандаға миы уланған адамдар бізде өте көп екеніне күмәнім жоқ. Қауіп еткеннен айтамыз! Роспропагандаға тыйым салыну керек. Бұл арналар соғысқа үндеп жатыр,
дейді пост авторы.
