Қытай Халық Республикасының Төрағасы Си Цзиньпин Қазақстанға жасайтын сапары қарсаңында екі елдің қарым-қатынасы туралы көлемді жазған екен.
Мақалада көңілге қонымды жақсы дүниелер жазылған.
«Қытай мен Қазақстан тату көрші, шынайы дос және сенімді серіктес», дейді. «Мыңдаған жылдар бойы достық қарым-қатынасын үзбеген екі ел халқы Ұлы Жібек жолы дәуірінің куәсі болған», дейді.
Сонымен бірге мақалада
өткен 2021 жылы екіжақты тауар айналымы 25 млрд долларды құрап, пандемияға дейінгі тұрақты деңгейді сақтап қала алды,
дейді ол.
Алайда Қазақстанның статистика бюросы мүлдем басқа сандарды береді.
Біздің ресми есеп-қисапта 2021 жылы екіжақты тауар айналымы тек 18 млрд долларды құраған!
«Сонда 7 млрд доллар қайда кетті», деген сауал тастайды желіде сарапшы Қазбек Бейсебаев.
Мен біздің статистикаға емес, Си жолдасқа көбірек сенемін бұл мәселеде. Статистика агенттігінен келген премьер-министріміз осы бір сан айырмашылығына қатысты түсініктеме бере ме екен,
деп жазады Бейсебаев.
