Денсаулық сақтау министрі Ажар Ғиният коронавирус инфекциясын жұқтырғандары саны көбейіп келе жатқанын айтады. Мысалы, өткен тәулікте Қазақстанда 235 адам коронавирус жұқтырған.
Министр жаңа жыл мерекелері секілді шараларға шектеу, карантин енгізілмейтінін айтты. Десе ол көп адам жүретін жерде медицина маскасын тағып жүруге кеңес береді.
Бүгінгі таңда бүкіл вирустық аурулардың өсімі байқалып отыр. Оның ішінде тұмау да бар. Маусымдық вирустардың бәрі бас көтеріп алды. Қазір шектеу шаралары болмағандықтан, адамдар маска киіп жүрген жоқ. Былтырғыдан қарағанда өсім бар екенін көріп отырмыз. Бізде «А» және «В» тұмауы тіркелген. Басқа түрлері тіркелген жоқ. Былтырғымен, пандемияға дейінгі кезеңмен салыстырсақ, скарлатинаның өсімі бар. Екі жыл бойында, негізінен балалар, бұл аурумен ауырған жоқ. Сондықтан ауруды өткермеген, иммунинеті жоқ буын пайда болды. Сондықтан балалар арасында ауа тамшы инфекциялары өсіп отыр,
деді министр.
