Денсаулық сақтау министрлігі желіде тараған 48 млрд теңгеге cөмке сатып алынады деген ақпаратқа қатысты пікір білдірді. Бұл туралы Stan.kz ақпарат агенттігі хабарлайды.
Бұған дейін әлеуметтік желіде Қазақстанда фельдшерлік сөмкелер сатып алуға бюджеттен 48 миллиард теңге жұмсау жоспарланғаны отырғаны туралы ақпарат пайда болған. Желідегі ақпаратта бір сөмкенің бағасы 7,5 млн теңге екені айтылған.
Бұл ақпаратты денсаулық сақтау министрлігі жоққа шығарды.
Денсаулық сақтау министрлігі аталған жылжымалы диагностикалық жабдықты бюджет қаражаты есебінен сатып алу мәселесі қарастырылмағанын хабарлайды. Сондықтан денсаулық сақтау министрлігі оны сатып алғаны туралы тараған ақпарат шындыққа жанаспайды және жалған,
делінген хабарламада.
