Түркияның бірінші ханымы Эмине Ердоған жолдасы Реджеп Тайип Ердоғанмен Астанаға бірге келген.
Түркия басшысы Астанадағы ресми кездесулер мен Азиядағы өзара ықпалдастық және сенім шаралары жөніндегі кеңеске қатысып жатқанда Эмине ханым елдің мәдениетімен танысты.
Сондай шаралардың бірін отандық тележүргізуші, блогер, кәсіпкер Динара Сәтжан ұйымдастырды. Ол Түркиядан келген беделді қонақтарды қазақстандық дизайнерлермен және олардың туындыларымен таныстырды. Бұл туралы ол Instagram парақшасында видео жариялап, кездесудің қалай өткенін қысқаша баяндады.
Алайда, оқырмандар Динараға беделді қонақтарды ана тілде емес, орыс тілінде қарсы алғаны наразы болды.
«Әттеңі орысша тілдің жүйрігі, басқасында мін жоқ, сырт көз сыншыл!»
«Қазақ тілімен қарсы алғанда, тіпті керемет болар еді. Әттеген-ай! Шет елдіктер бізге келгенде, біздің тілімізді, мәдениетімізді көріп, естігілері келетініне күмәнім жоқ».
«Қазақсыз ғой, қазақша неге сөйлемейсіз?»
«Өзге ұлттардың аллында қазақша сөйлегеніңізде керемет болар еді. Өзіміздің тіліміз жоқ бейшара сияқтымыз. Эх, түріктеодің патриоттығы жетіспейді бізге…»
«Түріктерге қазақ тілінді төгілгенде аудармашының да қажеті болмас еді».
«Қазақша сөйлейтін адам болмады ма?»
деп жазды Желі оқырмандары.
Арасында Динара Сәтжанды қолдап, оның соңғы кездері қазақ тілін үйреніп, сұхбаттарын да қазақша жүргізуге тырысып жүргенін еске салғандар да болды.
«Ол онсыз да тырысып жүр ғой, кейде сұхбаттарын қазақша жүргізеді. Маңызды қонақтар болған соң уайымдаған болар. Басында «Менің атым — Динара» деп айтты емес пе? Мықты болсаңдар қайда қалдыңдар? Динараның жарты тірлігін істеп алыңдаршы. Өзім айдалада отырып, риза болып отырмын!»
деп жазды бір оқырман.
