Талдықорғанда сайлауға түйе мініп келген жергілікті тұрғын жұрттың назарын аудартты. Бұл туралы Жетісу облысы әкімінің баспасөз қызметі жариялады. Ұлыстың ұлы мерекесі қарсаңында өткен саяси науқанда дауыс берушілер түйемен келді. Бір топ азамат дауыс беру кезінде ән мен жырдан шашу шашқан.
Ақпарат бойынша, талдықорғандық Ұлан Байзақов таңертең келіп, өзінің кандидаты үшін бірінші болып дауыс берді. 35 жастағы Байзақов соңғы 15 жыл бойы түйе асыраумен айналысып келеді. Әр демалыс немесе мереке сайын балалар мен ересектерді түйесімен серуендететін жігіт сайлауға түйе мініп, баян ойнатып, думандатып келді.
Ал Астана қаласының тұрғыны дауыс беру учаскесіне диванмен келді.
Ер адам сайлауға үйге киетін аяқкиім мен арқасына диван іліп алып келген. Қазақстандықтар бұл жайтқа қатысты таңданыстарын жасыра алмаған.
Бізді таңғалдыру мүмкін емес деп ойласақ, енді «диван сарапшылары» қандай болатынын көрдік..
