2023 жылдың 14 қаңтары күні күндіз Ресей ракеталарының бірі тиген Днепрдегі тұрғын үйдің астынан отыз адамның мәйіті табылды.
ВВС агенттігінің ең соңғы мәліметіне сүйенсек, қаза тапқандар арасында бір бала бар. Қазір Украина құтқарушылары көп қабатты тұрғын үйдің қираған жерлерін әлі қазып жатыр, сондықтан, қаза тапқандардың саны әлдеқайда көп болуы мүмкін деген қауіп бар.
Жарылыс болған жерде құтқарушылар күні-түні жұмыс істеп жатыр. Алты баланы қосқанда, шамамен 40 адам құтқарылды. 73 адам, соның ішінде 14 бала жараланған,
деп жазады ВВС.
Еске салайық, Ресейдің шабуылынан бейбіт тұрғындардың қаза болуына байланысты Днепрде 3 күн қаралы күн жарияланған.
