Ұлыбританияның консервативті партиясының жаңа көшбасшысы және премьер-министр қызметін қоса атқарушысы 5 қыркүйекте қауымдар палатасы оралғаннан кейін анықталады.
Ұлыбритания үкіметінің басшысы лауазымына сегіз үміткер дауыс берудің бірінші турынан өте алды. Үміткерлерге 20 партиялас консерваторлардың қолдауы қажет болды, деп хабарлайды Еuronews.
Борис Джонсонның орнын алмастыратын адам табу үшін дауыс берудің екінші туры бүгін, 13 шілдеде басталды. Оған қазынашылықтың бұрынғы басшысы Риши Сунак, сауда министрі Пенни Мордаунт, Сыртқы істер министрі Лиз Трасс, қазынашылықтың қазіргі басшысы Надим Захави кірді.
Екінші турда 30 дауыс жинамаған үміткерлер алынып тасталады. Дауыс берудің келесі раундтары 14 шілдеде және қажет болған жағдайда келесі аптада өтеді. Консервативті партия сайлауды заң шығарушылар 21 шілдеде жазғы демалысқа шыққанға дейін аяқтағысы келеді.
Екінші турдың екі финалисті жаздың қалған бөлігін сайлау науқанында өткізеді. Жаңа көшбасшы 5 қыркүйекте қауымдар палатасы оралғаннан кейін анықталады.
Консерваторлардың көпшілігі Джонсонды қызметінде қалдырудан қорқады. Партиялықтар Украинадағы соғыс және азық-түлік пен энергия бағасының өсуі жағдайында «ақсақ» көшбасшының отырғанын қаламайды.
Даунинг-стриттің келесі қожайыны үшін бизнес-қоғамдастық пен қазынашылықтың арнайы комитетінің пікірінше экономикалық басымдық экономикалық өсуді ынталандыру және жұмыс орындарын құру болуы керек, салықты қысқарту құпталмайды.
Бастапқыда елдің 11 саясаткері мен жоғары тұлғалары сайлауға қатысуға шешім қабылдаған болатын.
