Қазақстандық боксшы Ангелина Лукас Алматыда жекпе-жек алдында салмақ өлшеу салтанатты рәсіміне киген костюмінің мән-жайын түсіндіріп, отандастарының сынына жауап берді, деп хабарлайды Sports.kz.
10 желтоқсанда танзаниялық Лулу Кайагеге қарсы жекпе-жегі қарсаңында Лукас сақ патшайымы Томириске ұқсас жауынгер кейпінде өлшеу рәсімі мен face-to-face рәсіміне қатысты.
Алайда, әлеуметтік желілердегі кейбір қазақстандық жанкүйерлер отандық спортшыны осы киімі үшін айыптады. Әлеуметтік желілерде «біздің ұлттық киімімізді купальникпен кимеңіз», «ұлттық киімді жабық денеге кию керек», «сәукелені неге купальникпен кигенсіз» деген пікірлер жазылды.
Тіпті тарихшы-этнограф Тұрар Сәттарқызы киімнің дизайнері Аида Кауменовадан жауап талап етіп, шенеуніктерге ұлттық мұрамызды қорғайтын заң шығаруды сұрады.
Лукас отандастарының сынына жауап ретінде Instagram Stories-те осы жағдайға қатысты өз ұстанымын білдіретін хабарлама жариялады.
Егер өздеріңіздің шынайы мәдениеттеріңіз бен ұлттық киімдеріңізді білсеңіздер. Сәукеленің қандай болатынын білетін едіңіздер. Ал бұл әскери дулыға,
деп жазды Лукас әлеуметтік желіде және суретінің жанына сәукеленің суретін қосты.
Айта кетейік, Ангелина Лукас Лулу Кайагені жеңіп, UBO нұсқасы бойынша екінші жеңіл салмақта әлем чемпионы атағын жеңіп алды.
