Екібастұз қаласы Бұқар жырау көшесінің бойындағы жер үйдің ауласында құбыр жарылып, арты қайғылы жағдайға ұласты. Үйге 30 см деңгейінде су кіріп, үй иелерін тоққа қосылып тұрған жылытқыштың тоғы соғып өлтірген.
Үй иесі екі көзі көрмейтін мүгедек адам болған. Түн ішінде төтенше жағдайдан оянып, төсегінен тұрған оны тоқ соққан. Азаматтық некедегі әйелі құтқарамын дегенше, жылытқыштың тоғы екеуін бірдей соғып, екеуі де қаза тапқан.
Жеке тұрғын үйден 1959 жылғы ер адамның және 1965 жылғы әйелдің зорлық-зомбылық белгілері жоқ мәйіттері табылды,
деп хабарлады ПД баспасөз қызметі.
