Жыл басынан бері сарымай бағасы 15%-ке дейін өскен. Оның ішінде, Маңғыстау облысында бірден 29%-ке қымбаттады. Energyprom.kz зерттеуін ұсынамыз.
Жыл басынан бастап шілде айына дейін елімізде 13,9 мың тонна сарымай өндірілді. Бұл былтырғы жылдың осы кезеңімен салыстырғанда 12,6%-ке аз. Бұған дейін өндіріс көлемі 31,9%-ке өскен.
2022 жылғы қаңтар-мамыр айларында отандық май зауыттары сарымай сұранысының 71%-ін қанағаттандырды. Былтыр бұл көрсеткіш 83,6% еді. Бұл айларда (2021 жылғы қаңтар-мамырмен салыстырғанда) өндіріс жылына 12%-ке азайды. Ал импорт, керісінше, бір жылда бірден 83,5%-ке өсті. Бұл импорттаушылардың нарықтағы үлесін 16,4%-тен 29%-ке дейін ұлғайтты.
2022 жылғы қаңтар-мамыр айларында Қазақстан Республикасының ішкі нарығында сарымай сатылымы 19,9%-ке өсіп, 12,5 мың тонна болды. Осы кезеңдегі экспорт 4 есеге жуық азайып, 541,5 тоннаға дейін түсті.
2022 жылғы шілде айы соңында тұзсыз сарымай бағасы 1,2%-ке, жылына 17%-ке өсті. Бұл ретте жыл басынан бері баға 14,7%-ке өсті.
Қазақстанда биыл шілдеде тұзсыз сары майдың орташа бөлшек сауда бағасы келісіне 3,3 мың теңгеге жетті. Ірі қалаларда баға 2,7 мың теңгеден (Павлодар) 4,3 мың (Атырау) теңгеге дейін өзгерді.
Жыл басынан бері сарымай Маңғыстау облысында айтарлықтай қымбаттады — бірден 29%-ке. Одан кейін бағаның өсу реті бойынша Шымкент (26,7%) пен Жамбыл облысы (26,4%) тұр.
Баға ең аз өскен өңірлер: Нұр-Сұлтан (3%-ке), Алматы (5,6%-ке) және Павлодар облысы (7,2%-ке).
