Тауық етінің бағасы 28 пайызға, ал тауық аяқтарының құны 27 пайызға қымбаттаған.
Биыл қаңтар-қазан аралығында Қазақстанда 93,3 мың тонна жаңа немесе салқындатылған құс еті өндірілді. Өңірлер арасында мұздатылған құс етін өндіру бойынша Алматы облысы көш бастап тұр- 54,6 мың тонна (4,9%). Көшбасшылар үштігіне Ақмола және Абай облысы кіреді.
Сондай-ақ, салқындатылған құс етін өндіру бойынша Ақмола облысы (35,2 мың тонна) алдыңғы орында. Екінші орында ШҚО, ал үшінші орынға Алматы облысы жайғасқан.
Биыл жергілікті компаниялар құс еті мен азық-түлік өнімдеріне сұранысты 67,2%-ға қамтамасыз етті. 2021 жылы 69,2%-ға қамтыған еді.
Импорт үлесі 30,8%-ды құрады. Қазақстан 84,9 мың тонна «ақ» ет және субөнімдер әкелді. Бұл өткен жылмен салыстырғанда 6%-ға аз.
Ал экспортқа 8,7 мың тонна ет жіберілді, көрсеткіш 55,6%-ға аз. Ішкі нарықта құс еті және құс еті өнімдерін сату 4,3%-ға яғни 267,2 мың тоннаға дейін өсті.
2022 жылғы қазан айының қорытындысы бойынша Қазақстанда тауық еті 27,9%-ға, ал тауық аяқтары (окорочка) 26,7%-ға қымбаттады. Осылайша дүкендер мен базар сөресінде тауық етінің келісі 1,4 мың теңге, ал тауық аяқтарының келісі 1,2 мың теңге болды.
Тауық еті бағасының қымбаттауы әсіресе Абай облысында байқалды. Бір жылда 52,3%-ға өскен.
Сонымен қатар Шымкент қаласында 48,7%-ға және ШҚО-да 41,9%-ға қымбаттаған.
Керісінше арзан баға Алматы облысында тіркелді. Аталған өңірде өсім — 12,3%.
Тауық аяқтарының (окорочка) бағасы Маңғыстау облысында 54,9%, Павлодар облысында 43,9%-ға және СҚО-да 35,7%-ға қымбаттау байқалды.
Еліміздің ірі қалаларының ішінде тауық еті Ақтауда (келісі 1,7 мың теңге), тауықтың аяқтары Түркістанда келісі 1,4 мың теңгеге қымбат.
Ең арзан тауық еті мен тауық аяқтары Орал қаласында, келісі 997 теңге тұрады.
