Қазақстанның қай аймағында таксидің арзан, ал қай аймағында қымбат екенін анықтап көрдік.
Stan.kz тілшісі Яндекс.Таксиден жолаушылар сапардың әр минуты үшін қанша теңге төлегенін және соңғы жылы такси құны қалай өзгергенін сұрап көрді.
Әр минут үшін орташа бағаның өсіміне жанармай бағасының көтерілуі, қосалқы бөлшек пен автокөлікке қызмет көрсетудің қымбаттауы сынды бірнеше фактор әсер еткен.
Елімізде ең қымбат такси Шығыс Қазақстан облысында, мұнда сапардың әр минуты үшін жолаушылар 82 теңге төлейді.
Ал ең арзан такси Түркістан мен Жамбыл облыстарында. Бұл аймақтарда жолаушылар сапардың әр минутына 63 теңгеден төлеген.
2023 жылы ең жоғарғы өсім тіркелген Алматы облысында сапар минутының құны 81 теңге екен. Ақмолалықтар сапардың әр минуты үшін 80 теңге төледі.
