ҚР Денсаулық сақтау министрлігі адам бала асырап ала алмайтын аурулар тізіміне түзетулер дайындады.
Денсаулық сақтау министрлігі қазақстандықтар бала асырап алуға, оны қорғаншылыққа, қамқорлыққа немесе патронатқа алуға болмайтын аурулар тізіміне өзгерістер енгізді. Бұл диагноздар тізімінен адамның иммун тапшылығы вирусы (АИТВ) және жүре пайда болған иммун тапшылығы синдромы (ЖИТС) алынып тасталды.
Құжатта бұл түзетулер «Халық денсаулығы және денсаулық сақтау жүйесі» кодексімен келісіліп жатқаны жазылған.
Бұйрық Ашық НҚА сайтында жарияланды, ол 4 тамызға дейін қоғамдық талқыға түседі.
