Еуроодақтың 27 елінің сыртқы істер министрлері Армения мен Әзірбайжан шекарасындағы мәселелерді шешу үшін азаматтық миссия туралы келісті. Бұл туралы дүйсенбіде Брюссельде ЕО кеңесінің мәлімдемесінде айтылды, деп хабарлайды ТАСС.
Бүгін кеңес аймақтағы жағдайды бақылау, талдау және есеп беру үшін Әзірбайжан мен Армения шекарасына ЕО-ның 40 сарапшысын жіберу туралы шешім қабылдады.
— делінген хабарламада.
ЕО аймақта азаматтық миссия құру туралы шешім 6 қазанда Прагада Армения, Әзірбайжан, Франция көшбасшылары мен Еуропалық кеңес басшысы арасында өткен кездесуден кейін қабылданған. Бұл шараның мақсаты — аймақтағы бейбітшілік пен қауіпсіздікті қалпына келтіруге көмектесу, екі мемлекет арасындағы сенімділікті арттыру және халықаралық шекараны делимитациялау.
ЕО кеңесі миссияны тез арада орындау үшін одақтың Грузиядағы миссиясынан бақылау сарапшылары уақытша жіберілетінін атап өтті.
Бақылау миссиясы уақытша болады және екі айдан аспайды.
— делінген хабарламада.
7 қазанда Прагада Шарль Мишель мен Франция президенті Эммануэль Макронның Әзірбайжан және Армения басшылары Ильхам Әлиев және Никол Пашинянмен кездесуінен кейін Еуропалық кеңес ЕО азаматтық миссиясы қазанда бастап, екі айға созатынын хабарлады. Бұған дейін Әлиев пен Пашинян кейінгі рет 31 тамызда Брюссельде Мишельдің қатысуымен келіссөздер жүргізген. Осы кездесуден кейін екі аптадан кейін екі республиканың шекарасында ауқымды соғыс қимылдары болды.
