Балтық елдері мен Чехия СІМ басшылары ең қатаң ұстанымда.
Еуропалық Одақ елдерінің Сыртқы істер министрлері Ресей азаматтарына Шенген визаларын беру туралы бір шешімге келу туралы келіссөздер жүргізуде, деп хабарлайды Euronews. Балтық жағалауы елдері мен Чехия СІМ басшылары ресейліктердің Еуропалық одаққа кіруіне толықтай тыйым салуға шақырды.
Біз Путин режимінің агрессиялық әрекеті қаншалықты қымбатқа түсетінін көрсетуіміз керек. Біз алдыңғы жеті санкция пакетін қабылдағандай баяу әрекет ете аламыз, бірақ әрекет жылдамдығы өте маңызды деп ойлаймын,
деді Эстонияның сыртқы істер министрі Урмас Рейнсалу.
Финляндия Сыртқы істер министрі 1 қыркүйектен бастап ресейлік туристер үшін туристік визалардың санын шектейтінін атап өтті
Біз бүкіл Еуропалық Одаққа қазір осыған ұқсас әрекеттер жасауды ұсынамыз. Біз украиндықтар зардап шегіп жатқанда туризм бұрынғыдай қалғаны дұрыс емес екенін көрсету маңызды деп санаймыз. Оның орнына туристік визаларды беру кезінде көбірек шектеулер енгізу керек,
дейді Финляндияның Сыртқы істер министрі Пекка Хаависто.
ЕО елдерімен тікелей әуе қатынасы үзілген жағдайда, Еуропалық Одақ елдеріне баратын Ресейдің көптеген азаматтары құрлық шекарасын кесіп өтіп, Балтық жағалауы елдері немесе Финляндия арқылы транзитпен өтеді. Олардың арасында туристік мақсатта емес, достарын немесе туыстарын көруге, жұмысқа немесе оқуға баратындар көп.
