Түркия президенті Режеп Тайып Ердоған АӨСШК VI саммитінде сөз сөйледі.
Ол әділетті әлемге дипломатия арқылы ғана қол жеткізуге болатынын айтты.
Біз Украинадағы дағдарыстың зардабын аймақтық және жаһандық ауқымда әлі де көріп отырмыз. Соғыста жеңімпаз жоқ, әділетті әлемде жеңілген тарап болмайды. Бір жағынан, біздің БҰҰ-мен соғыстың жағымсыз салдарын жоюға бағытталған қарқынды күш-жігеріміз бүкіл әлемде мойындалды,
деді Режеп Тайып Ердоған.
Ол Украина астығын Қара теңіз арқылы экспорттау және өткен айда ұсталған тұтқындарды айырбастау туралы Ыстамбұл келісімі осы бағыттағы нақты жетістік екенін айтып өтті.
Біздің мақсатымыз – ешбір қиындыққа қарамай қарқынды сақтап, қантөгісті тезірек тоқтату,
деді Түркия президенті.
