Президенттің бұйрығымен жасалған түрік электрлік TOGG жол талғамайтын көлігі келесі жылы өндіріске шығады.
Көлік бір зарядта 500 шақырымға дейін жүре алады. Жобаны іске асыруға 180 инженер ат салысты. Ал Ыстамбұл маңында орналасқан құрастыру зауытында 4000-нан астам адам еңбек етіп жатыр.
TOGG кроссовері 2023 жылдың бірінші тоқсанында сатылымға шығады. 2030 жылға қарай 5 түрлі сегментте 1 миллион көлік шығару жоспарланып отыр.
Германия – бірінші экспортталатын ел болмақ. Одан кейін ЕО-ның басқа елдеріне жеткізілетіні атап өтілді.
