Қытай Коммунистік партиясының Орталық Комитеті Си Цзиньпинді үшінші мерзімге бас хатшы етіп қайта сайлады. Партия 20-шы шақыруының бірінші пленумында 205 мүшеден тұратын саяси бюроның жаңа құрамын сайлады. Олардың қатарында этникалық қазақ Нұрлан Әбдімәжин бар.
Әбдімәжин ҚХР Шыңжаң-Ұйғыр автономиялық ауданы Қытай Халық саяси консультативтік кеңесі комитетінің төрағасы болып сайланды.
Этникалық қазақ туралы ашық дереккөздерден оның 1962 жылы Қорғас немесе ҚХР СУАР Қазақ автономиялық облысында дүниеге келгені белгілі. Жоғары педагогикалық білімі бар.
Нұрлан Әбдімәжин 1985 жылы Қытай Компартиясына кірген. ҚХР СУАР-ның сот органдарында, сондай-ақ Іле-Қазақ автономиялық облысының және Шыңжаң халық үкіметінің басқарушы партиялық, мемлекеттік лауазымдарында жұмыс тәжірибесі бар.
2008 жылдан бастап ҚХР СУАР ҚКП саяси бюросының ПК мүшесі болып табылады.
Айта кету керек, партияның басқарушы органы ОК-нің жаңа құрамы әр съездің соңында бес жылға сайланады.
Бұған дейін Қасым-Жомарт Тоқаев ҚХР Төрағасы Си Цзиньпинді ел көшбасшысы лауазымына қайта сайлануымен құттықтаған болатын.
Естеріңізге сала кетейік, қыркүйек айында Си Цзиньпин Астанаға келген. Қазақстан пандемия басталғаннан бері ҚХР Төрағасы барған алғашқы ел болды.
