Қаржыгер Расул Рысмамбетов Ресейдің инвестициялық компаниясы Қазақстанға қоныс аударуына қатысты пікір білдірді.
Ресейдің «Фридом Финанс» инвестициялық компаниясы қызметкерлері мен клиенттерін Қазақстанға көшіруді ұйымдастырып жатыр. Менеджерлер Freedom Finance Global компаниясында жұмыс істейді, ал ресейліктер осы компания арқылы сауда жасайды.
Мына жаңалық шыққан соң біздің реттеушіміз санкция инициаторлары Ресей компаниясының Қазақстанға көшкеніне қалай қарайтыны туралы ойлануы керек. Клиенттерінің ішінде санкция салынған тұлғалар болса, қызықтың көкесі болайын деп тұр. Әсіресе, біздің брокерлерге де санкция салса, бұл қапаландырады әрі сабақ болады,
деді Расул Рысмамбетов.
Жалпы, эксперт бұл жаңалық ақшаны елден шығармас үшін Ресей реттеушісіне көбірек керек болуы мүмкін екенін айтады.
Бірақ ақша Ресейден шығып, Қазақстанға кіргенде жаһандық реттеуші көзқарасы бойынша, Ресей мен Қазақстан капиталы арасында ешқандай айырмашылық болмайды. Бұл менің ғана емес, құрметті швейцар брокерінің де пікірі,
деді қаржыгер.
