Бразилияда 82 жасында футболдан үш дүркін әлем чемпионы Пеле қайтыс болды. Оның өмірден өткені туралы мәліметті қызы Instagram-да хабарлады.

Бізде бар нәрсенің бәрі үшін сізге рахмет. Біз сені шексіз жақсы көреміз. Тыныштықта демалыңыз,

деп жазды Келли Кристина.

Осы жылдың қараша айының соңында Пеле тоқ ішек қатерлі ісігін емдеу үшін Сан‑Паулу ауруханасына жатқызылды. Кейінірек бұқаралық ақпарат құралдары Пеленің денесі химиотерапияға жауап беруді тоқтатқанын және оған паллиативтік көмек көрсетілетінін хабарлады.

26 желтоқсанда Пеле қайтыс болғанға дейін достарымен, туыстарымен және жақындарымен қоштасқаны белгілі болды. Бразилияда Пеленің жерлеу рәсіміне дайындық барысы бейнеленген видео тарады. Аты аңызға айналған шабуылшыға оның бейнесі бейнеленген алтын табыт әзірленгенін де жазған едік.

Пеле – үш рет ойыншы ретінде әлем чемпионы атанған жалғыз футболшы (1958, 1962 және 1970 жылдары). Ол төрт әлем чемпионатының қатысушысы. 1999 жылы ХОК бразилиялықты ХХ ғасырдың спортшысы деп таныды. Ойыншы мансабының көп бөлігін (1957 — 1974) Сантос үшін өткізді.