Гүлмира Сатыбалды ісі аяқталды. Антикор оған қатысты екі дерек — кәсіпорындардың үлестерін заңсыз үлестіру және адам ұрлау бойынша тергеу жүргізген болатын.
Антикор жәбірленуші 6,6 миллиард теңгеге тең залал келтіргенін айтты.
Биыл 15 желтоқсанда қылмыстық іс айыптау актісімен бірге прокуратураға күдіктілерді сотқа беру туралы мәселені шешу үшін жіберілді. Гүлмира Сатыбалды, оның бақылауындағы «Ария-Жаңа Астана» ЖШС компаниясының басшылығы және мемлекеттік органдардың лауазымды тұлғалары нысандарды салуға бөлінген бюджет қаражатын ұрлады деп күдіктеледі,
делінген хабарламада.
Алайда тергеу кезінде мемлекетке келтірілген залал толығымен өтелген.
Осы факт бойынша да соталды тергеу аяқталып, іс күдіктілер мен олардың адвокаттарына танысуға берілді. Сатыбалдыға қатысты бизнесті басып алудың және заңсыз бас бостандығынан айырудың басқа эпизодтары бойынша тергеу жалғасып жатыр,
делінген антикор хабарламасында.
Айта кетейік, бұған дейін Гүлмира Сатыбалды аса ірі көлемде бюджет қаражатын жымқырды деген күдікке ілініп, 17 наурызда ұсталған болатын. 18 наурызда антикор Қайрат Сатыбалдыұлына, оның бұрынғы жұбайы Гүлмира Сатыбалдыға және басқа да тұлғаларға қатысты бизнесті рейдерлік басып алу дерегі бойынша соталды тергеуді бастағаны туралы хабарланды
