Ресей мұнайынан бас тартуына байланысты 2023 жылы осы сценарийге көшуі мүмкін.

Rosneft Deutschland «Роснефть» еншілес компаниясы Германия экономика министрлігінің басшылығына Ресей мұнайының орнына Қазақстан мұнайын сатып алуды ұсынды. Бұл туралы РИА Новости Шығыс Германия мен Берлиннің бизнес қауымдастықтарының бірлестігінде хабарлады. 

Мәлім болғандай, Қазақстаннан мұнайды Германияның Шведт қаласындағы МӨЗ-на «Дружба» мұнай құбыры арқылы эмбарго режиміне түспей тасымалдау жоспарлануда.

Росток қаласынан құбыр арқылы мұнай жеткізумен қатар, мұнай өңдеу зауытының жұмысы 100% қамтамасыз етілуі мүмкін,

делінген мәлімдемеде.

Украинада соғыс басталғаннан кейін Еуропа елдері Ресейге қарсы санкциялар сала бастады. Санкциялардың алтыншы пакеті мұнай импортына эмбарго енгізуді көздейді, бұл тек теңіз арқылы жеткізілімдерге әсер етеді.

Ресейлік БАҚ-тың хабарлауынша, «Дружба» құбыры арқылы келетін мұнай шектеулерге ұшырамайды. Осыған қарамастан, неміс билігі 2023 жылдың ақпанына дейін ресейлік мұнай құбырларынан бас тартуға дайын екендерін білдірді.

Шілде айының басында Краснодар аймақтық соты Каспий құбыр консорциумының мұнай тасымалдауға тыйым салуын алып тастады. Миллиондаған шығынды 200 мың рубль айыппұлмен алмастырды.