Сот үкімі 15 қараша күні сағат 10.00-де оқылды.
Хаменова мен Рысқалиев Абай ескерткішін жасау бойынша мемлекеттік сатып алу кезінде 4,5 миллион теңге көлемінде пара алды деген күдікке ілінген еді.
Бақытгүл Хаменова кеше соттағы соңғы сөзінде өзіне тағылған айыпты әлдекімдердің қолдан ұйымдастырған әрекеті деп мәлімдеме жасап, өзінің кінәсіздігін дәлелдеу үшін соңына дейін баратынын мәлімдеген. Алайда сот шешімі басқаша бағыт алды.
Сот үкіміне сәйкес, Бақытгүл Хаменова 7 жылға, Ақылбек Рысқалиев те 7 жылға бас бостандығынан айырылды.
Бақытгүл Хаменова жазасын қауіпсіздігі орташа мекемеде 3 жылдан кейін өтейді. Хаменова сот залынан үйіне жіберіледі.
Сондай-ақ ол мемлекеттік қызметте жұмыс істеу құқығынан айырылды. Сондай-ақ сот Хаменованы «Құрмет» орденінен айырды.
Естеріңізге сала кетейік, алдыңғы отырыста мемлекеттік айыптаушы Лаура Асанова Бақытгүл Хаменоваға мүлкін тәркілеп, жеті жылға бас бостандығынан айыруды сұрады. Айыптаушы тарап сондай-ақ облыстық мәдениет басқармасының бұрынғы басшысы Ақылбек Рысқалиевті жеті жыл, пара берді деп күдікке ілінген жеке компанияның басшысын төрт жылға бас бостандығынан айыруды сұрады. Сот процесі 2022 жылдың 11 тамызында басталды.
