Алдын ала мәлімет бойынша, жер сілкінісі салдарынан 44 адам қаза тапты, кемінде 300 адам жарақат алды.
MetroTV мәлімдеуінше, Батыс Ява аралында магнитудасы 5,6 балдық жер сілкінісі тіркелді.
Индонезияның метеорология, климатология және геофизика агенттігі жер асты дүмпулері цунами тудыруы мүмкін емес деп мәлімдеді. Дегенмен жұртшылыққа қырағы болуға кеңес берілді.
Агенттіктің хабарлауынша, жер асты дүмпулері Джакарта, Бекаси, Богор және елдің басқа да бірқатар аймақтарында сезілген.
