Астанада әлемге әйгілі марафоншы Марат Жыланбаев 15 тәулікке қамауға алынды. Бұл туралы ҚазТАГ хабарлады.
Марат Төлегенұлы Жыланбаев ҚР ӘҚБтК-нің 488-бабының 6-бөлігінде (Қазақстан Республикасының бейбіт жиналыстарды ұйымдастыру және өткізу тәртібі туралы заңнамасын бұзу) көзделген әкімшілік құқық бұзушылықты жасағаны үшін кінәлі деп танылып, әкімшілік жазаға тартылды. 15 тәулікке әкімшілік қамаққа алынады. Қамау мерзімі 2022 жылдың 11 қарашасынан бастап, 17.05-тен бастап әкімшілік қамауға алынған кезден бастап есептелсін,
делінген судья Ақерке Бектұрғанованың қаулысында.
Құжатта Жыланбаевтың 2022 жылдың 21 тамызында Астанадағы Гүлдер бағы алаңындағы митингіге рұқсатсыз қатысқаны айтылған. Алайда марафоншы оған тағылған айыпты жоққа шығарды және мәдени шара өтіп жатқанына көз жеткізу үшін барғанын атап өткен.
Еске салайық, Жыланбаев 2021 жылы Назарбаевқа қарсы сыни мәлімдемелерінен кейін сотқа берілген болатын. «Ар-Бедел» ҚҚ көрнекті спорт қайраткерінің жарияланымдары «саяси көшбасшының қызметіне қатысты теріс қоғамдық пікірдің қалыптасуына, жалпы Қазақстан Республикасындағы саяси жүйеге теріс көзқарастың қалыптасуына әсер етеді» делінді.
