Каспий теңізінің тартылуының бірден-бір себебі — планетаның бүкіл солтүстік жарты шарын шарпыған климаттың жылынуы. Бұл туралы Экология және табиғи ресурс министрлігі айтты, деп хабарлады Tengrinews.kz.
2006-2020 жылдар аралығында Каспий теңізінің су айдынына жауын-шашын аз түсті, ал булану процестері анағұрлым қарқынды болды, сонымен қатар, Еділ өзенінің бассейніндегі суы аз жылдарға байланысты орташа су ағыны да аз болды
делінген хабарламада.
Осы проблемаларды шешу үшін трансшекаралық су объектілерін бірлесіп пайдалану және қорғау жөніндегі комиссия жұмыс істейді, сондай-ақ Қазақстан Республикасы мен Ресей Федерациясы арасындағы барлық трансшекаралық өзен бойынша, оның ішінде Жайық (Орал) өзені бассейні бойынша жұмыс топтары құрылған.
«Ақтөбе, Атырау және Батыс Қазақстан облыстарын әлеуметтік-экономикалық дамытудың 2021-2025 жылдарға арналған кешенді жоспарлары шеңберінде Жайық-Каспий бассейніндегі су шаруашылығы жағдайын жақсарту бойынша шаралар қабылданып жатыр. Осы кезеңде өткізілген іс-шараларға 98 миллиард теңгеден аса қаржы бөлінді. Айта кетейік, Ресей тарапы да осындай шаралар қабылдап жатыр,
деді министрлік өкілдері.
