Йемен астанасы Санада кәсіпкер кедей-кепшікке доллар таратқан. Тегін ақшаға таласқан адамдар бірін-бірі таптап, соның салдарынан 80-ге жуық адам қаза тауып, жүздеген адам жарақат алды.
Кәсіпкерлердің мұқтаж жандарға ақша таратуы Санада бірінші рет болып тұрған жоқ, алайда қаржылай көмек тарату орталығында адамдардың жаппай жиналуы алғаш рет адам өліміне әкеп соққан.
РИА Новости жазуынша, бірін-бірі таптау салдарынан 80-ге жуық адам қаза тауып, 300-ге жуық адам жарақат алған. Зардап шеккендер жақын маңдағы ауруханаларға жеткізілді.
Кәсіпкер жиі қайырымдылықпен айналысады. Ішер ас, киер киімі жоқ адамдарға бұған дейін де 9 доллардан қаржы үлестіріп келген екен. Бірақ дәл осылай талас-тартыстың соңы төбелеске ұласып, тұрғындар зардап шекпеген.
Оқиғаның себептері мен мән-жайына қатысты тергеу басталды.
