КХДР АҚШ-пен кез-келген әскери қақтығыстарға толығымен дайын, деді Корей соғысының аяқталғанына (1950-1953) орай ұйымдастырылған кеште сөйлеген сөзінде ел басшысы Ким Чен Ын.
Оңтүстік Кореяның Yonhap агенттігінің хабарлауынша, КХДР басшысы Пхеньян қажет болған жағдайда өзінің ядролық құралдарын жұмылдыруға дайын екенін атап өтті.
Сонымен қатар, Ким Чен Ын Оңтүстік Корея «алдын алатын соққы беруге» әрекеттенсе, бұл президент Юн Сок Ель режимі мен оның армиясының құлдырауына әкеледі деп қорқытты.
Егер Оңтүстік Корея режимі мен әскери бандиттер бізбен әскери қақтығыс жасау туралы ойлап жүрген болса, және біздің күшіміздің бір бөлігін бейтараптандырамыз немесе жоямыз деп ойласа, олар қателеседі,
деп мәлімдеді Ким Чен Ын.
