ҚР премьер-министрі Әлихан Смайылов 10 қарашада Сенаттың жалпы отырысында «АрселорМиттал Теміртау» компаниясына қандай шаралар қолданылып жатқанын айтты.
Өндіріс кәсіпорындарындағы өнеркәсіптік қауіпсіздік мәселесін депутат Сергей Ершов көтерді.
Республикалық бюджет жобасында біз өнеркәсіптік кәсіпорындардың өнеркәсіптік қауіпсіздігін қамтамасыз етуге бағытталған жүйелі шараларды таппадық. Мемлекет басшысы бұл мәселеге ерекше назар аударып отыр. Ал өкінішке қарай, азаматтарымыздың өмірін қиған «АрселорМиттал Теміртау» шахтасындағы соңғы апаттан кейін қауіпті өндірістік нысандарда қауіпті өндірістік объектілерде қауіпсіздікті қамтамасыз ету үшін шұғыл қатаң шаралар қабылдауды талап етті,
деді Сергей Ершов.
Осы орайда депутат үкімет басшысына мынандау сұрақтар қойды: Үкімет өнеркәсіптік қауіпсіздік талаптарын қатайту үшін заңнамалық және ұйымдастырушылық тәртіпте қандай шаралар қабылдауды ұсынып отыр? Ал жағдай түбегейлі жақсармай жатқан соң, тиісті заң нормаларын қайта қарайтын уақыт жеткен жоқ па, бұл қабылданған шаралардың жеткіліксіздігін білдіреді?
Үкімет басшысы сұрақтарға жауап бере отырып, қазір үкімет өнеркәсіптік қауіпсіздік бөлігінде заңнаманың жаңа нормаларын әзірлеп жатқанын айтты.
Олар өнеркәсіп иелері мен басшыларының жауапкершілігін арттыруға, мемлекет тарапынан бақылау шараларын күшейтуге, осындай қауіпті өндірістерді материалдық-техникалық қайта жарақтандыруды қаржыландыру көлемін кемінде 1 пайыз көлемінде заңнамалық тұрғыдан бекітуге бағытталған. Сондай-ақ жаңа технологияларды ескере отырып, өнеркәсіптік қауіпсіздік талаптарын қайта қарау, жаңарту көзделген,
деді Әлихан Смайылов.
Сонымен қатар ол Әкімшілік құқық бұзушылық туралы кодекске, Қылмыстық және Кәсіпкерлік кодекстерге, «Азаматтық қорғау туралы» заңға өзгерістер мен толықтырулар енгізу жоспарланғанын айтты.
Премьер-министр қолданыстағы заңнамада жазатайым оқиғалар мен жарақаттарды азайту үшін техникалық қайта жарақтандырудың жиынтық жоспарын қалыптастыру көзделгенін атап өтті. Биыл олар 2,5 мыңнан астам техникалық құрылғыны ауыстырып, 100-ден астам өндірістік желіні жаңартуды жоспарлап отыр.
Қарағанды облысындағы «АрселорМиттал Теміртау» компаниясының шахталарындағы апаттарға келетін болсақ, осы компания үшін көмір өндіруге жер қойнауын пайдалану келісімшартын жақында қайта қарау барысында біз алғаш рет көмірді өндіруге инвестиция салу қажеттігіне қатысты көмір өндіруді жаңғыртуға жыл сайын кемінде 150 млрд теңге, сондай-ақ көмір қабаттарын газсыздандыруға 37 млрд теңге инвестиция құю туралы қосымша талаптар енгіздік. Бұрын мұндай міндеттеме болмаған,
деді Прьемер-министр.
3 қарашада Қарағанды облысындағы Ленин атындағы шахтада газды дренаж скважиналарды бұрғылау жұмыстарын жүргізу кезінде газ шығып, артынша тоннель өртене бастады. Оқиға кезінде кәсіпорынның 106 қызметкері жер астында болса, оның 101-і қауіпсіз жерге көшірілді.
Қуатты жарылыс салдарынан бес металлург қаза тауып, тағы төртеуі шұғыл ауруханаға жатқызылды.
