Көпшілік Катарда өтіп жатқан футболдан әлем чемпионатын асыға күтті. Бірі өз елі үшін жанкүйер болса, енді бірі тартысты жарыстың тамашалағысы келеді. Дегенмен чемпионат футболдан басқа да қызық әрі ерекше сәттерімен есте қалады. Globalnews.kz бүгінге дейін өткен жарыс уақытында көрерменнің назарын аударған бірнеше оқиғаларға шолу жасады.
Куфия мен немесе ерекше тұмар Лаиб
Кез келген әлемдік, халықаралық чемпионат не олимпиаданың тұмары болады. Әр талисман жарысты ұйымдастырып жатқан елдің мәдениетіне, менталитетіне, ерекшелегіне сай жасалады. Ендеше, таныс болыңыздар. 2022 жылғы футболдан әлем чемпионатының тұмары — Лаиб лақап аты бар ұшатын кілем. Оның есімі сөзбе-сөз аударғанда «өте жақсы ойыншы» дегенді білдіреді. Сонымен бірге оның пішіні тек кілемге емес, куфияға да ұқсайды. Куфия — арабтардың ұлттық бас киімі.
Чемпионаттың ашылу салтанатында Лаиб көбінің назарына ілікті. Адамдар оның қандай көңілді әрі ақжарқын сипатта екенін жарыса айтып жатыр.
Құрама капитанының айтуынша, осылайща олар Иранда болып жатқан наразылық акциясын қолдайтынын білдіргісі келген.
Еске салайық, 2022 жылғы қыркүйекте хиждабты дұрыс кимегені үшін полицей ұстаған 22 жастағы Махса Аминидің өлімінен кейін Иранда жаппай наразылық басталды. Митиң әлі күнге дейін жалғасып жатыр.
Морган Фриман мен «паралимпиадалық спортшының» диалогы
Ашылу салтанатында Голливудтың әйгілі актері Морган Фриман мен «паралимпиадалық спортшы» диалог сахналады. Осы жантебірентерлік көрініс арқылы олар чемпионаттың күллі әлем үшін екенін көрсетті.
BTS тобының солисі Чон Джон Гуктың ән шырқауы
Катардағы футболдан әлем чемпионатының шымылдығын әлемге танымал BTS тобының солисі Чон Джон Гук пен катарлық әнші Фахад Әл-Кубаиси бірігіп, 2022 жылғы әлем чемпионатына арнайы жазылған Dreamers әнін айтты. Дуэт К-поп жанры мен шығыс, араб стилін ерекше үлйестіре білді. Аталмыш композиция ең көп тыңдалған әрі танымал болған чемпионат әндерінің қатарына енді. Композицияның ресми бейнеклипі 9 күннің ішінде 45 миллион қаралым жинап үлгерді.
Иран футболшыларының наразылығы
Иран футболшылары әлем чемпионатында өз елінің әнұранын шырқаудан бас тартты. Құрама капитанының айтуынша, осылайща олар Иранда болып жатқан наразылық акциясын қолдайтынын білдіргісі келген.
022 жылғы қыркүйекте хиждабты дұрыс кимегені үшін полицей ұстаған 22 жастағы Махса Аминидің өлімінен кейін Иранда жаппай наразылық басталды. Митиң әлі күнге дейін жалғасып жатыр.
Алайда ирандық футболшылар жеңіліске ұшырады. Дегенмен бұл Иран халқының көңілін түсірмеді. Керісінше, ирандықтар билікке қарсы протест ретінде футболшыларының жеңілісін тойлады.
