Шетелдік БАҚ не деп жазады?

Қор нарығы құлдырауын жалғастыруда

The Wall Street Journal хабарлауынша, 2022 жыл инвесторлар үшін соңғы жүз жылдағы ең нашар уақыт болды. Қор нарығындағы акциялардың құлдырауы жалғасып, соңғы онжылдықта танымалдылығы күрт артқан стратегияға соққы берді. Мәселе басқада. Әр құлдыраудан кейін шарықтау болуы керек.

Dow Jones Market Data мәліметтеріне сәйкес, S&P 500 индексі бір күнде 1% жоғалтқаннан кейін ,енді аптасына 1,2%-ға төмендеп отыр. Бұл 1931 жылдан бергі ең үлкен құлдырау. Яғни, жақында ғана үлкен көлемде сатып алған инвесторлар банкротқа ұшырауы мүмкін.

Саудиялықтар мыс мәселесіне тап болды

Bloomberg агенттігінің жазуынша, Сауд Арабиясы өзінің жеткілікті қорына арқа сүйеп, әлемдік мыс тапшылығы проблемасын шештік деп тым асығыстық жасады.

Металлға деген сұраныс жаһандық қауымдастықтың таза энергияға эпикалық көшуіне байланысты күрт өсті. CA-ның мыс нарығына кіруі жақын арада болмауы мүмкін.

Бұрын мыс өндіруге тиісінше мән бермеген патшалық алдыңғы қатарлы тау-кен өндіруші елдер шешіп қойған мәселелерге бір-ақ тірелді.

Өнеркәсіп және минералдық ресурстар министрі Бандар бен Ибрахим әл-Хораефтің айтуынша, логистика және сумен қамтамасыз ету маңызды болып отыр.

Фунт бұрынғыдай емес

The Guardian жазуынша, фунт стерлинг тарихи минимумға дейін құлдырады.

Британ валютасы шамамен 5%-ға арзандап, 1,0327 долларға жетті, бұл Ұлыбритания 1971 жылы ондық жүйеге көшкеннен бергі ең төменгі деңгей. Сарапшылардың пікірінше, бұл инвесторлардың Ұлыбританияның экономикалық менеджменті мен активтеріне деген сенімі жойылғандықтан болды.

Дүйсенбі күні, Азия-Тынық мұхиты аймағындағы нарықтар ашылғанда, Ұлттық Австралия банкінің валюталық стратегиясының жетекшісі Рэй Аттрилл:

Британдық активтерге қатысты алдымен істеу керек, кейін ғана сұрақ қою керек

Bannockburn Global Forex-тің бас нарық стратегі Марк Чандлер валютаның рекордтық құлдырауын «керемет» деп атады. Сондай-ақ Англия банкінің төтенше жиналысында және пайыздық мөлшерлеменің көтерілуінде сөзсіз алыпсатарлық болатынын айтты.

2008 жылғы қаржылық дағдарысты болжаған экономист Нуриэль Рубини Ұлыбританияның дамып келе жатқан нарық ретінде көріне бастағанын және 1970 жылдарға оралатынын ашық ескертті.

Стагфляция, ақырында ХВҚ-дан көмек сұрауға тура келді … Трасс пен оның кабинеті надан,

деп жазды ол твиттерде.

Экономика бойынша Нобель сыйлығының лауреаты Пол Кругман фунттың құнсыздануы Ұлыбританияның таза халықаралық инвестициялық позициясын шынымен жақсартқанын атап өтті.

Кругманның айтуынша, егер Англия банкі фискалдық ынталандыруды монетарлық қатайту арқылы өтеудің орнына қарызды монетизациялауды шешсе, 1970-ші жылдардағы стерлингтік дағдарыстың болуы екіталай.

Қытайдың Литваға берген сабағы

Fox News жазуынша, Литва президенті әлемдік қауымдастықтың Ресейге қарсы тұруы маңызды екенін айта отырып, Қытай туралы ұмытпауды ескертті.

Гитанас Науседа Ландсбергис Қытай дүние жүзіндегі елдерге қарсы қолдануға дайын «мәжбүрлеу құралдарының үлкен жиынтығы» туралы ескертті.

2021 жылы Литва Пекин бастаған Қытай-Орталық және Шығыс Еуропа ынтымақтастығы бастамасынан шыққан алғашқы мемлекет болды. Сондай-ақ ел Тайваньға Вильнюсте өкілдік ашуға рұқсат берді. Бұған жауап ретінде Қытай Литваға қарсы бірқатар экономикалық эмбарголар мен санкциялар енгізді.

Литвамен болған жағдай басқа елдермен де қайталануы мүмкін. Еуропада, Үнді-Тынық мұхиты аймағында, кез келген жерде болуы мүмкін. Менің ойымша, бұл біз үшін сабақ болды. Сондықтан басқа елдердің де осыған көңіл бөліп, дайын болғаны маңызды,

деп ескертті Ландсбергис.

Оның айтуынша, Литваның әрекеті Қытайға қарсы тұруға емес, «қағидаларды» қолдауға бағытталған.

Екі рет Италияның бірінші басшысы

The New York Times оңшыл партияның көшбасшысы Джорджия Мелонидің билікке келуі Еуропа үшін немен аяқталуы мүмкін екенін талдайды.

Алғашқы нәтижелерге қарасақ, Мелони Италияның келесі премьер-министрі болуы ықтимал. Бұл лауазымды иеленген алғашқы әйел және фашитсің ұрпағынан тараған алғашқы премьер-министр әйел. Дегенмен, басылымның мәліметінше, түпкілікті нәтиже әлі анық емес. Сондай-ақ Италияның жаңа парламентінің өтуіне және жаңа үкімет жасақталғанға дейін әлі бірнеше апта керек.