Ұлыбританияда соңғы онжылдықтағы ең ауқымды ереуіл болып жатыр. Көтеріліске инфляцияның өсуі және ереуілшілер үшін ең төменгі жұмыс көлемін енгізу жөніндегі үкіметтің бастамасы себеп болды, деп хабарлайды Euronews.

Шеруге қатысушылар еңбек жағдайларын жақсартуды және жалақыны көтеруді талап етті.

Ереуілге шыққан азаматтар білімге көбірек қаражат құю керектігін алға тартып отыр. Кадр мен бәсекелестік көп болуы керек, директор екі емес, 20 мұғалімнің арасында таңдау жасауы керек, сол кезде біздің балаларымыз сапалы білім алады дейді.

Ұлыбритания Еуропадағы ең бай елдердің қатарында болса да, мемлекеттік мектептерге жеткіліксіз ақша салынған. Қаражат орынсыз жұмсалып жатыр.

Сәрсенбідегі ереуілге байланысты Ұлыбританияда мыңдаған мектеп жабылды, ондаған университеттерде дәріс үзілді, қоғамдық көліктердің жұмысы өзгеріп, теміржол қызметі ішінара үзілді, көптеген рейс тоқтап, кешігіп жатыр.