Жеке тұлғалардың мүлік салығын төлеу мерзімі ауысты. Негізі 1 қазан еді, биыл ғана 3 қазан болды. Бұл туралы Мемлекеттік кірістер комитетінде хабарлады.
«1 қазан» демалыс күніне сәйкес келгендіктен, төлеу мерзімі 2022 жылғы 3 қазанға ауыстырылады.
Салық кодексінің 38-бабы 2-тармағының ережесі бойынша, егер салық міндеттемесін орындау мерзімінің соңғы күні демалыс күніне келетін болса, онда төлем мерзімі келесі жұмыс күнінің соңында аяқталады.
Сондықтан 1 қазанға дейін төлем жасай алмаған азаматтар бүгін салығын өтей алады. Өсімпұлды есептеу ағымдағы жылдың 4 қазанынан басталады.
Есептелген салық сомасын «kgd.gov.kz» сайтында және «E-salyq Azamat» мобильді қосымшасында «Алдағы төлемдер» сервисінен және Homebank және Kaspi.kz (мемлекеттік қызметтер – салық – көлік және мүлік салығы — ЖСН теру) мобильді қосымшаларынан білуге болады,
делінген комитет таратқан хабарламада.
Салық бойынша берешектің бар-жоғын «e-Salyq Azamat» (AppStore, PlayMarket) мобильді қосымшасы→Электрондық сервистер→Салық және әлеуметтік төлемдер бойынша берешек сервисі→ЖСН енгізу арқылы тексеруге болады.
