Ол 39 жаста еді.
31 шілде күні түстен кейін Орал өзенінде Атырау облысы Махамбет ауданының әкімі Ринат Жаңғылышов суға батып кетті, деп жазады «Ақ Жайық» газеті.
Газеттің мәліметінше, Ринат Жаңғылышов Махамбет ауданы Ортақшыл ауылында суға шомылған. Әкімнің қасында біреу болды ма, жоқ па белгісіз.
Денесі әлі табылған жоқ. Ақпаратты аудан әкімдігінің қызметкерлері растады.
Облыстық ТЖД 31 шілде күні сағат 22.38-де кезекшіден хабарлама келіп түскенін айтты. Жаңғылышов белгісіз жағдайларда Орал өзеніне батып кеткен.
Оқиға орнына Атыраудан бір техника бірлігі бар үш құтқарушы, сондай-ақ ТЖБ бастығы шықты. Мән-жайлар анықталуда.
Ринат Жаңғылышов 1982 жылы 2 желтоқсанда Атырау қаласында дүниеге келген. Еңбек жолын 2005 жылы Алматы қаласы Экономикалық қылмыстар мен сыбайлас жемқорлыққа қарсы күрес департаментінің тергеушісі болып бастаған. 2006-2018 жылдары бірқатар жеке кәсіпорындарды басқарды. 2018-2019 жылдары Атырау қалалық мәслихатының хатшысы болды. 2019-2020 жылдары Атырау қаласы әкімінің орынбасары қызметін атқарды.
2020 жылдың қараша айынан бастап Атырау облысы Мемлекеттік сәулет-құрылыс бақылау басқармасын басқарды. Өткен жылдың ақпан айында Махамбет ауданының әкімі болды.
