Елде вирустың 6,6 мыңнан астам жағдайы анықталды.
Бұл туралы денсаулық сақтау және мемлекеттік қызметтер министрі Хавьер Бесерра Twitter-де хабарлады.
«Жағдай күрт өзгерді, мен маймыл шешегі ауруына байланысты төтенше жағдай жариялаймын. Біз осы вируспен күресте жаңа деңгейге шығуға дайынбыз. Біз әр американдықты сақ болуға шақырамыз«- деді денсаулық сақтау және әлеуметтік қызметтер министрі.
Маймыл шешегінің алғашқы жағдайы Бостонда 2022 жылдың мамыр айында тіркелді. Ауру әсіресе Нью-Йорк штатында өршіп барады. Ол жерде өткен аптада төтенше жағдай жарияланды.
Маймыл шешек — кеміргіштер мен приматтар сияқты жабайы жануарларда пайда болатын және кейде адамдарға жұғатын вирус. Оны тудыратын қоздырғыш — poksvirus құрылысы мен қасиеттері бойынша адамның шешек вирусына ұқсас. Одан науқастану оқиғаларының көпшілігі орталық және батыс Африка аймақтарында тіркелген.
Бұл ауруды ғалымдар алғаш рет 1958 жылы маймылдарды зерттеп жүріп анықтады. Сол кезде «шешек тәрізді» ауру осы жануарлардың арасында екі рет өршіп, жаңа вирус «маймыл шешек» аталып кеткен. Бұл оспаны адамның жұқтырғаны 1970 жылы белгілі болды. Сол жылы қауіпті инфекция Конгоның шалғай ауылындағы 9-жасар баладан табылған.
