Мексикада ерлі-зайыптылар әуе шарында тірідей өртеніп кетті. Бір қыз бала зардап шекті.
Оқиғаның видеосы желіде тарады.
Fuerza Informativa Azteca агенттігінің мәліметінше, Мехико қаласында тұратын 39 жастағы әйел мен 50 жастағы ер адам қайтыс болды. Зардап шеккен 13 жасар қыздың беті мен аяқ-қолдарын бірінші және екінші дәрежелі күйік шалып, оң жақ иық сүйегі сынған. Оны Ахапуско атындағы ауруханаға жеткізген.
Оқиға Теотиуакан туристік археологиялық аймағында болды. Әуе шарында үш отбасы мүшесі болған.
Бір кезде әуе шарының себеті өртеніп кетті. Өртке оранған адамдар себеттен секірген. Ерлі-зайыптылар сол жерде мерт болды, ал қыз құлаған кезде тірі қалды.
Өрттің себебі әлі анықталған жоқ.
