“Бір оқу грантына 1,5 бала таласыпты. Грант санын қысқарту керек. Біздің кезімізде бір орынға 10-15, тіпті біреулер, бір орынға 30 адам таласқанбыз” деген пікірлерге қарсы әлеуметтік желіде Айгүл Жұмаділ жауап жазған екен:
“Байдың малын байқұс қызғаныпты” деген мақал ойыма келді.
Гранттық орын көп болсын!
Тіпті, бір балаға бір орыннан берсін!
Қазір мемлекеттің балаға жасап беріп отырған жалғыз жағдайы осы! Грантты қысқартса, бірінші зардап шегетін ауыл балалары болады. Ауылдағы білім сапасының деңгейін өздеріңіз де біліп отырсыздар.
Баяғыда бір орынға 10-15 баладан таласу – қазақ балаларының жоғары оқу орнына түсе алмай қалуы үшін әдейі жасалған қиындықтар болатын.
Орыс топтарына көп, қазақ топтарына аз орын берілетін. Оқуға түспеген қазақ балалары ауылға барып мал бақсын, егін ексін, қара жұмыс істесін деп.
Ал қазір өз қолың өз аузыңа жететін күн келді ғой. Неңді қызғанып отырсың?
Қазақтың әр баласы оқысын универде!
Оқығаны оқиды, оқуға қабілеті жетпегені қояды.
Аудиторияда отырып ұстаздың алдын көреді, өзі сияқты балалармен қарым-қатынас жасауды, сынақ тапсыруды үйренеді.
“Олардың бәрі диплом алып ап, ертең жұмыс жоқ, бос қалады!” дейді. Қарағым-ау, одан да сол көркем үкіметіңнен жұмыс орнын сұрасаңшы, грантты қысқартуды емес!
Не сұраудың да жөнін білмей қалдық-ау осы…
